Frukost - 7.15-8.15

Barna har med matpakke heimanfrå, og får melk eller vatn å drikke i barnehagen. Ei koseleg stund, der barn og vaksne samtalar og undrar seg over alt frå dagens påleggsval til meir eksistensielle og filosofiske tema medan frukosten finn sin plass i magen. 

1. Måltid - 10.45-11.30

Det første måltidet i barnehagen har eit sunt og variert innhald. Vi har heimelaga brød og knekkebrød med eit variert utval av pålegg, havregrynsgraut (måndagar) og ulike varmrettar (i hovudsak torsdagar). Det vert også servert frukt/grønsaker til kvart måltid. Ei fullstendig oversikt over mattilbodet blir lagt ut på Kidplan og hengt opp i garderobene kvar veke.   

2. Måltid - 14.00-14.40

Det andre måltidet består i hovudsak av påsmurte brødskiver og/eller knekkebrød med vatn til drikke. Av og til har vi t.d. grove vafler for variasjon og kosen si skyld. Det vert også servert frukt/grønsaker til 2. måltidet.

Drikke

Til måltida får barna i hovudsak vatn og melk å drikke. Ved spesielle høver, som til dømes nissefest og påskelunsj, har vi saft eller jus på bordet. På ekstra kalde og sure dagar finn vi det godt å varme oss på noko varmt i koppen som til dømes kakao. Ellers har alle barn med seg eigne drikkeflaske, slik at dei kan få vatn mellom måltida.