Ein barnehage med barna i sentrum

Rotset barnehage er bygd med tanke på å skape og legge til rette for eit spanande og utviklande leikemiljø for barna. Eit miljø som gir glede og tryggleik, læring, vennskap og fysisk aktivitet.

"Vi lærer saman i ein meiningsfull kvardag"

Visjonen er vår identitet og leiestjerne. Mennesket, både store og små, er like verdifulle og barn og vaksne lærer av kvarandre. Visjonen ligg til grunn og legg føringar for korleis vi arbeider i Rotset barnehage.

Uteområdet

Rotset barnehage har ein variert og stor uteleikeplass. Her har borna høve for allsidig leik og utfalding.

Leik

Leik har ein sentral plass i barnehagedagen. Den er ein del av barnekulturen og den speglar forhold som vi finn i oppvekstmiljøet og samfunnet generelt. Leiken er spontan, friviljug, indremotivert og styrt av barnet sjølv. I det sosiale samspelet med andre barn, møter barna ulike utfordringar. Her handlar det om å gi og ta, samt å kunne inngå kompromiss og finne felles løysingar. Leik er den aktiviteten barn lærer mest av!

Nyheter

Solfest i barnehagen 12.02.2021

Det er kalde vinterdagar, så kva passar då betre enn å arrangere ein solfest!
12.02.2021 19.00
Nasjonal markering for likebehandling av barn og barnehagar

På torsdag 19.11.20 deltok vi i ei nasjonal markering for likebehandling av barn i alle barnehagar. Ei markering som var initiert av PBL (Private barnehagers landsforbund). Bakgrunnen var markering mot kutt i finansieringa til private barnehagar. I rufsete haustver blei foreldra møtte med kaffi, twist, bålkos og informasjonsmateriell då dei leverte barna sine i barnehagen. Ei positiv morgonstund- med ein alvorleg bodskap.
23.11.2020 12.00

Søknad om barnehageplass

Vi ønskjer nye barn og foreldre velkomen til barnehagen vår!
16.01.2020 14.41
Barn har rett til å ha det bra!

Barna er det mest verdifulle vi har, og at barna trivast i sin eigen kvardag, er heilt avgjerande for at dei skal utvikle seg og vekse. I Rotset barnehage jobbar vi med å fremje respekt og toleranse for kvarandre. Saman med heimen legg vi til rette for og skape vennskap mellom barna.
13.10.2019 12.56